دليلك للعمل كمندوب مبيعات في السوق الدوائي

اتكلمنا قبل كده عن وظائف الصيدلي وعملنا خريطة ذهنية فيها كل المجالات اللي خريج الصيدلة يقدر يشتغلها (هنا)، وبدأنا بأول مجال وهو اليقظة الدوائية وهنكمل النهاردة وهنتكلم عن التسويق والبيع الدوائي.
مندوب المبيعات أو المديكال ريب (Medical Rep) من أكتر الوظائف رواجا بين حديثي التخرج واللي برغم تعبها الكتير إلا إن مميزاتها أكتر. المقال ده بيوضح أهم المميزات والعيوب لمجال المديكال ريب، وايه الخطوات اللي أنت محتاجها عشان تكون مديكال ريب شاطر وتقدر تدخل المجال بعد التخرج مباشرة.

---

التعريف بالمهنة

يعني ايه تسويق دوائي؟ وايه دور مندوب المبيعات؟
يعد قسم التسويق في شركات الأدوية أحد أهم أقسام الشركة وجزء أساسي في نجاحها واستمرارها، لأن الشركة الناجحة هي التي تهتم بالجانب التجاري الخاص بالبيع والأرباح وتحسين اسمها في السوق زي ما بتهتم بجودة الدواء والأبحاث والجانب العلمي عامة.
وهنا بيجي دور مسئولي التسويق ومندوبي المبيعات في الشركة أو ما يعرف بقسم التسويق والبيع (Marketing and Sales Division).
دور مندوب المبيعات أو المديكال ريب كالآتي:
• ليه أدوية معينة يروجلها ويعمل على زيادة مبيعاتها في منطقة معينة من خلال زيارته للأطباء والمستشفيات والصيدليات.
• لا بد يحقق ال (Target) المطلوب منه خلال فترة بيتم تحديدها من الشركة وفقا لأهدافها ومعدل البيع اللي عايزة تحققه.
والصورة بتوضح كامل رحلة مندوب المبيعات والمسئوليات بتاعته من أول ما بيعرف منطقته ولغاية المتابعة بعد عملية البيع.

Source: SPOTIO

---

العيوب والمميزات

!لماذا يعد مندوب المبيعات أو المديكال ريب من أكثر الوظائف رواجا بين خريجي صيدلة؟

1. دخل مالي محترم (من 4000 إلى 8000 جنيه في الشهر كمتوسط)
2. مركز اجتماعي جيد
3. امتيازات كثيرة مثل: السيارة (بعض الشركات تمنحها لمندوبي المبيعات بعد قضاء فترة معينة)
4. بالإضافة لمهارات كتير جدا يمكن اكتسابها وتطويرها بسبب العمل في هذه المهنة مثل مهارات التفاوض والإقناع وغيرها من مهارات التعامل.
5. كما تقوم الشركات بتوفير تدريب لمندوبي المبيعات لتحقيق المزيد من النجاح للشركة وغالبا ما تكون تلك التدريبات مكلفة جدا جدا.

ولكن كما نعلم لا تخلو مهنة من عيوب وعيوب المديكال ريب تتلخص في الآتي:

1. ساعات عمل طويلة أحيانا
2. ربما يتعرض الصيدلي مندوب المبيعات لبعض أنواع الإهانة كتجاهل الطبيب له أو إحراجه أو طرده أحيانا (فلا بد يكون الشخص الذي يعمل في المجال لديه القدرة على تحمل مثل هذه المواقف ولا تؤثر عليه)
3. أحيانا يكون من الصعب تحقيق ال (Target) المطلوب فيلجأ البعض إلى أساليب محرمة كرشوة لطبيب أو ما يعرف بحرق الدواء في السوق (والحرق هو إنك تعطي الدواء بسعر أقل من سعر الشركة للصيدلية بهدف شراء الصيدلي كمية كبيرة منك وبالتالي تحقق التارجت المطلوب، وطبعا يتم دفع فرق الثمن من مالك الخاص، غير أنه إذا علمت الشركة بذلك فإنها تقوم بفصل المندوب)

---

المتطلبات الوظيفية

طب ازاي أكون مديكال ريب شاطر؟
:فيه بعض المهارات اللي لا بد تكون في المديكال ريب الشاطر وهي

1. مهارات البيع: لا بد يكون المديكال ريب قادر يعرض منتجه بشكل صحيح ويعرف يفرق بين المميزات والفوائد للمنتج ده. (Benefits & Features)
2. مهارات التواصل الفعال: فلا بد يكون الشخص ده قادر يسمع بشكل كويس عشان يفهم احتياجات العميل. (سواء الطبيب أو الصيدلي)
3. مهارات الإدارة الذاتية: وإنك تعرف تدير وقتك صح مع انضباط ذاتي عالي.
4. خبرة سابقة: وده عشان تزيد فرصنا من القبول بعد التخرج لأنهم أحيانا بيكونوا طالبين أفراد عندهم خبرات سابقة، وده ممكن نحصل عليه عن طريق الانضمام للبرامج التدريبية الصيفية اللي بتقدمها شركات الأدوية كمندوب مبيعات، واللي بيتم فيها محاكاة لعمل. (بعضها مدفوع والبعض لا)

---

كورسات وكتب

1. كورس التسويق الدوائي من كورسيرا (Drug Commercialization) من هنا
2. كتاب التسويق الدوائي: خطوات عملية (Pharmaceutical Marketing: a practical guide) من هنا
3. كتاب مبيعات وتسويق الأدوية (Pharmaceutical Sales and Marketing) من هنا
4. مجموعة كبيرة من الكتب بعضها باللغة العربية وبعضها بالإنجليزية تساعدك تفهم عن التسويق والمبيعات بشكل عام من هنا

---

وتقدر تتابع كل الفرص اللي بتنزلها مبادرة “طريق الصيدلة” على فيسبوك من هنا ولينكدان من هنا
ومتنساش تشير المقال عشان الفائدة تعم ع الجميع وشكرا لك.